Уштипци или перничиња со сирење
Состојки
- 1 чаша кисело млеко
- 1 јајце
- 100 гр сирење
- 1 пециво
- 4 лажици сусам
- 400 гр брашно
- 1/2 лажичка сол
- масло за пржење по потреба
Подготовка
Мене лично многу ми се допаѓа доручеков, затоа што брзо се спрема, излегуваат многу уштипци, а и се особено вкусни.
1. Се замесува тесто од сите состојки и се остава да стаса околу половина час.
2. Потоа се расукува кора и се сечат форми. Моите беа како баклави, а сечев со ножот за пица.
3. Ги пржиме во врело масло. Тенџерето во кое ги пржиме треба да има барем три прста масло, затоа што перничињава нараснуваат.
Лесно и вкусно!