Испечати

Видео рецепт: Топчиња од туна и корнфлекс

Видео рецепт: Топчиња од туна и корнфлекс

Состојки

  • За ТОПЧИЊАТА ќе ви треба:
  • 2 варени компири
  • 1 конзерва туна
  • 1 лажичка сенф
  • 2 чадени риби (харинга или инчуни)
  • 40 гр. путер
  • 3 лажички сусам
  • 8 лажички корнфлекс
  • 1 лажица кечап
  • малку оригано
  • малку ким
  • малку сол
  • брашно за валкање
  • За СОСОТ ќе ви треба:
  • малку кечап
  • 70-80 гр. мајонез
  • малку сол
  • малку оригано
  • ворчестер сос

Фичо вели дека добро мезе е најважниот дел од секоe дружење, особено кога се гледа фудбал. Овој пат ќе подготви топчиња од туна и корнфлекс.

Подготовка

Чекор 1: Сите состојки ставете ги во сад и со рачен блендер испасирајте ги додека смесата не стане еднолична. Со рака формирајте топчиња и валкајте ги во брашно.

Чекор 2: Во Вок тавата ставете поголема количина на масло и кога ќе биде загреано пропржете ги топчињата многу кратко од сите страни, колку да фатат коричка.

Чекор 3: Додека топчињата се ладат, пригответе го сосот. Кечапот, мајонезот измешајте ги со малку оригано, сол и Ворчестер сос по желба - и сосот е готов.

СОВЕТ: Смесата за топчињата може да ја користите и како паштета, намачкана на леб. Ако постите, путерот заменете го со маргарин.