Шарена обланда
Состојки
- 500 мл вода
- 400 гр шеќер
- 1 маргарин
- 500 гр мелени бисквити
- 100 гр чоколадо
- 100 гр кокос
- 4 листа обланда
Подготовка
Водата се зоврива со шеќерот и маргаринот и се остава да вари 10 минути. Потоа се остава малку да се излади и се додава врз мелените бисквити. Смесата се дели на 2 дела. Во едниот дел се додава растопеното чоколадо, а во другиот кокосот.
Обландите се ставаат помеѓу влажни крпи да омекнат 10 минути, а потоа се редат обланда - бел фил- обланда - црн фил и внимателно се мота во ролат. Од оваа смеса излегуваат два ролата.