Видео рецепт: Домашни пилешки прсти
Состојки
- 500 гр. пилешки гради
- 3 јајца
- 100 гр. сусам
- 200 гр. презла
- 50 гр. сенф
- 1 лажица мед
- 1 лажичка чили
- Ќе ви треба и:
- брашно за валкање
- масло за пржење
- сол и бибер
Фичо ќе подготви неколку рецепти за мезе додека гледаме фудбал. Овој пат ќе ни покаже како да направиме домашни пилешки прсти!
Подготовка
Чекор 1: Исечете го месото на тенки долги ленти, како што тоа го прави Фичо во видеото. Зачинете ги со сол и бибер.
Чекор 2: Во еден сад измешајте го брашното со чили во прав. Во друг сад изматете ги јајцата, а во трет ставете ги лебните трошки и сусамот. Секое парче месо валкајте го во брашно, па во јајцата, па во мешавината од сусам и лебни трошки. Пржете ги во малку повеќе масло.
Чекор 3: Пржените пилешки прсти најпрво ставајте ги на салфетка да се упие вишокот маснотија.
Измешајте го сенфот со медот и 1 лажица вода, и посолете по вкус.
Чекор 4: Сервирајте ги како мезе, заедно со сосот.
СОВЕТ: Во брашното покрај чили, може да ставите други зачини по желба, како оригано, мајчина душичка или буковец.