Солена погача со фил
Состојки
- За тесто
- 750гр. просеано брашно
- 1 коцка пресен квасец (претходно активиран)
- 1 лажица винска киселина
- 2 лажичиња сол
- 3-4 лажичиња шеќер
- 2 јајца (белките во тестото, а жолчките во филот)
- 100мл. масло
- 100мл. јогурт
- 250мл. топло млеко
- За фил
- 125гр. маргарин
- 2 жолчки
- малку сол
- 100гр крем сирење
- количината сами ја одредувате на рендана салама
- За премачкување
- 1 жолчка
- 2-3 лажици млеко
Подготовка
Од сите наведени состојки се замесува средно-меко тесто и се остава да надојди (околу 45 мин.).
Во меѓувреме се подготвува филот. Се мати маргаринот, па се додава крем сирењето, жолчките, се убаво се миксира и малку посолува.
Откако ќе надојди тестото се премесува на кратко и се отвора правоаголна кора, со дебелина од еден прст, се премачкува со филот, се ренда саламата, се витка ролат. Поубаво, цела постапка се гледа од дополнителната фотографијата.
Се става во намрсена со масло и набрашнета со брашно тепсија бр.36. (или можи да се премачка тепсијата само со маргарин.)
Со ножица се засекуваат парчиња, но не докрај.
Парчињата да бидат околу 1,5-2цм., се сечат по 4 парчиња, првото се свртува кон средината, второто и третото на самото место каде што се, но малку извртени и четвртото пак кон средината...И така до крај.
Се остава пак да надојди, да го дуплира волуменот, од 30-45мин.
Пред печење се премачкува со жолчка, разматена со млеко.
Се става во загреана рерна и се печи на најпрво на 220Ц. степени. Откако ќе добие боја погачата, се покрива со алуминиумска фолија, се намалува на 180 и се печи уште 45-50 мин.)
После печење се премачкува со малку маргарин и се завиткува во платнена крпа и најлон.
Многу е вкусна и мека.
На здравје!!!