Плетеница
Состојки
- 1 пресен квасец
- 700гр. брашно
- 1 лажиче сол
- 50 мл. масло
- 1 јајце
- 300мл. млако млеко
- за фил
- 150гр. дробено сирење
- 350гр. обарен спанаќ
- 150гр. рендан кашкавал
- 100гр. чајна
- за премачкување
- 1 жолчка
Подготовка
Квасецот го зафаќаме и го оставаме да надојди. Кога ќе стаса го додаваме брашното, јајцето, солта, маслото и постепено го додаваме и млекото. Убаво месиме да добиеме помеко тесто и оставаме тестото да надојди. Потоа пак го размесуваме и тестото го делиме на 6 парчиња. Од секое парче се сучи кора се сечат ленти од двете страни, но не до крај(значи средината да остани цела).
Се филоваат и лентите ги преклопуваме една над една и се оставаат пак да надојдат.
Пред да ги ставиме да се печат ги премачкуваме со жолчка. Ги печиме на 190 степени околу 30 мин.
На здравје!!!