Топено сирење со сусамки
Состојки
- за топеното сирење
- 500гр. фета сирење
- 250гр. маринирани шампињони
- 200гр. кашкавал
- 4-5 лажици кечап
- 1 лажичка оригано
- за сусамките
- 1/2 пресен квасец
- 400гр. брашно
- 5 лажици масло
- 1 лажичка сол
- 100мл. млака вода
- 50гр. сусам
- 1 јајце
Подготовка
Започнуваме со подготовка на сусамките.
Квасецот, брашното, солта и маслото ги ставаме во еден сад и постепено ја додаваме водата.
Месиме убаво да добиеме изедначена смеса и од тестото сучиме кора дебела колку прстот.
Сечиме ленти и ги редиме во тавче во кое ќе ги печиме и ги оставаме 15 мин. Пред да ги печеме ги мачкаме со јајце и сусам. Печеме околу 15 мин.на 190 степени.
За подготовка на топеното сирење најпрво ги премачкуваме земјените садови со кечап и оригано и започнуваме со редење.
Прво ставме сирење, потоа пак кечап, печурки, оригано и сирење уште еден ред.
Завршуваме со рендан кашкавал и сирењето го печиме 10 мин. на 200 степени.