Бешамел тестенини
Состојки
- 450 гр тестенини (макарони, шпагети...)
- 370 гр изварка
- 250 мл готов бешамел сос
- 2 јајца
- 100 мл газирана вода
- црн бибер, мешан сув зачин, рузмарин
- 4-5 кремвишли
- 150 гр кашкавал
- малку оригано за одозгора
- 2-3 лажици маслиново масло
Подготовка
Сварете ги тестенините, но внимавајте да не ги преварите.
Во тавата попрскајте 2-3 лажици маслиново масло и истурете ги исцедените тестенини. Додајте ја изварката и убаво измешајте. Потоа додадете ги и зачините и повторно измешајте. Ако сметате дека ви треба сол, посолете.
Во помал сад изматете ги јајцата и потоа измешајте ги со бешамелот и газираната вода. Прелијте ги тестенините. Нарендајте го кашкавалот, а потоа распоредете ги кремвишлите одозгора исечени на кругчиња. Просејте 2-3 прстофати оригано над сето тоа и ставете да се печи во загреана рерна од 200С 15-20 мин.