Руска салата со павлака и мајонез
Состојки
- 500 гр кашкавал
- 500 гр шунка ( пилешка или свинска)
- 500 гр обарен морков
- 500 гр варени компири
- 300 гр конзервиран грашок
- 300 гр кисели краставички
- 300 гр кисела павлака
- 300-400 гр мајонез
- сол, бибер
Подготовка
Најпрво со сите ќе се сложам дека руска салата се прави со мајонез.
Но ви предлагам сите состојки да ги соедините со павлака и мајонез.
Така салата е многу посвежа и посочна.
Значи сите состојки треба да се исецкаат на многу мали коцкички (освен грашокот)
Се ставаат во вангличка, се зачинува по вкус и се додаваат павлаката и мајонезот.
Декорирајте и сервирајте според вашата машта.
Пријатен апетит.