Фрители од тиквички и рикота
Состојки
- 1 помала тиквичка
- 100гр. рикота
- 150гр. брашно
- 4 лажици пармезан
- 1 јајце
- 1 лажичка пециво
- по потреба млеко
- прстофат сол
- малку црн бибер
Подготовка
Тиквичката изрендајте ја.
Јајцето изматете го и постепено додавајте го брашното измешано со пецивото.
Потоа додајте го пармезанот, рикотата, малку сол и бибер.
Со жица изматете.
Додајте ја и ренданата тиквичка. Ќе добиете густа смеса, затоа по потреба додајте млеко (не треба да биде ниту многу ретка).
Со лажица земајте од смесата и пржете во загреано масло.
Испржените фрители вадете ги на хартија за да се впие вишокот мрснотија.
Послужете ги топли.