Печен омлет со аспарагус и шери домати
Состојки
- 4 јајца
- 350гр. аспарагус
- 1 младо кромидче
- 50гр. кашкавал
- 6 шери домати
- 2 лажици неутрална павлака за готвење
- по потреба сол, црн бибер, маслиново масло
Подготовка
Аспарагусот излупете го и исечете го на парчиња. Ставете да се обари 7 минути.
Извадете го и оставете да се олади.
Јајцата изматете ги со павлаката.
Потоа додајте го кашкавалот исечен на мали коцки, сецканиот млад кромид и аспарагусот.
Посолете, наросете црн бибер и убаво измешајте.
Во округол калап ставете хартија за печење и попрскајте маслиново масло.
Истурете ја смесата и одозгора наредете половинки од шери домати.
Печете на 180 степени, 20-25 минути.