Чоколаден пудинг од просо (посно)
Состојки
- 2 шољи просо
- 2 банани
- 1 портокал
- 4-5 урми
- 2 лажички какао
- мед или некој друг засладувач, агаве сируп, кафеав шеќер по вкус
- цимет, брусница и лешници или кокосово брашно, како декорација и по вкус
Подготовка
Овој вегански рецепт го најдов на интернет, ми се допадна и го направив.
1. Просото го покриваме со вода околу два прста над него и го вариме на тивко 10-15 минути. Го тргаме на страна да се излади.
2. Потоа го ставаме во сечко или блендер заедно со сите други состојки (излупените банани и портокал, какаото, урмите и засладувач). Откако ќе се добие убава изблендирана мешавина го сервираме во мали тањирчиња.
Просто и едноставно, а вкусно!