Шарено задоволство со лимон
Состојки
- Бисквит
- 6 јајца
- 250 гр шеќер
- 200 мл масло
- 200 мл млеко
- 2 пакувања прашак за пециво
- 300 гр брашно
- 2 лажици какао
- Крем
- 1 л млеко
- 7 лажици брашно
- 1 лажица густин
- 250 гр шеќер
- 2 лажици гриз
- 2 ванили
- 1,5 маргарин
- 100 гр чоколадо за готвење
- 1 лимон
Подготовка
Бисквит
Одвојте ги белките од жолчките и прво изматете ги белките во цвст снег. Посебно се матат жолчките со шеќерот. Потоа во смесата со жолчките се додаваат маслото, млекото, 2 пакувања прашак за пециво и брашното. Ова убаво се мати, па се додаваат изматените белки.
Смесата се дели на 2 дела.
Во првиот дел се додава 2 лажици какао, а другиот дел останува бел.
Се печат посебно 2 кори на 180 степени и откако ќе се изладат се делат на 4 кори. Кај мене белиот пандишпан излезе малку потанок, па не го поделив.
Крем
Се вари 1 л млеко со разматеното брашно и густинот, шеќерот, ванилите и гризот. Откако ќе се излади се додава 1 цел и уште пола маргарин се мати и смесата се дели на 2 дела. Во едниот дел се додава истопена чоколада, а во другиот сок од 1 исцеден лимон.
Филување
Се филова на овој начин - прво оди црн пандишпан - бел крем - бела кора - темен крем - црн пандишпан - бел крем - бел пандишпан - црн крем. Се украсува со шлаг крем од Полимарк.