Бомбици со слатка павлака
Состојки
- 100 гр чоколадо
- 1 лажица путер
- 3-4 лажици слатка павлака
- 100 гр мелени бисквити
- 100 гр мелен потпечен лешник
- 50 гр крупно сецкан потпечен лешник
- глазура
- 100 гр црно чоколадо со 70% какао маса
- 2-3 лажици слатка павлака
- 30 гр мелен лешник
Подготовка
Прво во сад на шпорет се ставаат чоколадото, путерот и слатката павлака да се изедначат. Не смеат да провријаат.
Се тргаат од оган па се додаваат бисквитите и лешниците.
Убаво се соединуваат. Се остава да се стегни смесата.
Потоа се формираат бомбици.
Над пареа се растопуваат чоколадото и павлаката да се соединат.
Потоа секоја бомбица се потопува во глазурата, се реди на хартија да се просуши и се декорира со крупно сецкан лешник.