Посна баклава со ореви и бадеми
Состојки
- 300 гр ореви
- 100 гр бадеми
- 100 гр црна посна чоколада
- 100 гр посни бисквити
- 500 гр кори за баклава
- 1 лажиче цимет
- 1/2 лажиче каранфилче мелено
- 250 мл масло
- 250 мл кисела вода
- 1 пециво
- 600 гр шеќер
- 500 гр вода
- 2 пакетчиња ванилин шеќер
- сок од половина лимон
- шербет
Подготовка
Оваа баклава е мојата омилена.
Најпрво се мелат оревите и бадемите. Јас ги мелам во сецко за да не бидат многу ситно. Исто се мелат и бисквитите.
Чоколадото се ренда.
Во еден сад се мешаат оревите, бадемите, бисквитите, чоколадото, циметот и меленото каранфилче.
Во друг сад се мешаат киселата вода, зејтинот и пецивото и тоа ни служи за премачкување на секоја кора, додека врз секоја трета кора ставаме од сувиот фил.
Наредената баклава ја сечеме на коцки и ја печеме во претходно загреана рерна на 200 степена 30-40 минути, додека не добие златна боја.
Додека се пече баклавата го спремаме шербетот. Шеќерот и водата ги ставаме да се варат и го оставаме да врие 10тина минути, на крај ги додаваме ванилите и сок од пола лимон.
Кога баклавата ќе олади ја прелеваме со млак шербет. Оставаме да го впие шербетот, најдобро еден ден и потоа уживаме.