Соја стекови во сос од шампињони
Состојки
- 100 г соја стек
- 4 лажици масло
- 1/2 главица кромид
- 250 г шампињони
- 2 лажички мешан сув зачин
- 1/2 лажичка мелен црн бибер
- 1/2 лажичка куркума
- 1/2 лажичка ѓумбир во прав
- 200-250 мл вода
- 50 г лупени солени кикиритки
- 1 лажица густин
Подготовка
Стековите од соја се ставаат да варат 20 минути во 300 мл зовриена вода во која сме додале мешан сув зачин или коцка за супа.
На масло се пржат ренданиот кромид и шампињоните исечени на листови. Додаваме малку мешан сув зачин, бибер, куркума, ѓумбир и околу 50 мл вода и вариме 5-10 минути.
Потоа во тавата ги ставаме соја стековите, кикиритките, преостанатиот мешан сув зачин и густинот, кој претходно го разматуваме во малку вода. Ја додаваме и преостанатата вода и вариме 5 минути, со повремено мешање.
Откако ќе се свари, ја тргаме тавата и ги оставаме соја стековите во сосот околу 10 минути во поклопен сад.
Послужуваме со свежа салата.
На здравје.