Видео рецепт: Пилешка егзотика

Фичо ќе ви покаже како да го искористите најновото тавче на Делимано со една Пилешка Егзотика! Се работи за Трилогија Диеталниот сад од Делимано. Пробајте го и раскажете ги вашите искуства!

Подготовка

Чекор 1: Една рака суви кајсии ги ставате во зовриена вода и ги оставате да стојат околу 15 минути.

Потоа земате 2-3 парчиња свеж пилешки стек, го сечете на парчиња како што тоа го направи Фичо, го зачинувате со црвен пипер, црн бибер, го посолувате и го оставате и него да отстои – на тој начин месото ќе ги впие зачините.

Чекор 2: Земате главица кромид, ја сечкате на покрупни парчиња, како што ви покажа Фичо во видеото, малце го пропржувате на посилен оган, потоа го намалувате оганот и го додавате пилешкото да се потпржи со малку бело вино.

Потоа го оставате да се динста со уште малку бело вино.

Чекор 3: Потоа ги цедите кајсиите од водата и ги додавате во пилешкото, па ги додавате крупно исечканите Пелати домати и крем павлаката.

Чекор 4: Поклопувате со капак и динстате околу 15-20 минути. Во овој сад не е потребно долго готвење, но Фичо реши да ги остави подолго од предвиденото, за да ги спои вкусовите и да добие вистинска егзотика!

Чекор 5: Откако ќе биде добро зготвено сервирате врз листови марула, со убаво лепче.

СОВЕТ: Кајсиите и крем павлаката ќе го пребијат киселиот вкус на Пелати доматите, така немате потреба да користите шеќер. Секогаш користете млечна крем павлака, од причина што е по здрава и далеку повкусна! Избегнувајте го саламуреното месо! –Саламурата ги уништува сите корисни работи во месото!