Мои кремасти мафини
Состојки
- за коричка на мафините
- 3 белки
- 3 лажици шеќер
- 4 лажици мелен потпечен лешник
- 1 лажица брашно
- за жолт крем
- 300 мл млеко
- 3 лажици шеќер
- 3 лажици густин
- 3 жолчки
- 70 гр изматен маргарин
- за кафен крем
- 300 мл сок од вишни од компот
- 3 лажици шеќер
- 1 пудинг со вкус на чоколадо
- 100 гр чоколадо
- 70 гр изматен маргарин
- за декорација,
- 50 гр крупно сецкан лешник
- 20-25 зрна вишни од компот
- хартиени кошнички-15 парчиња
- калап за мафини
Подготовка
Прво се матат белките со шеќерот, па се додаваат лешниците и брашното.
Со лажица се полнат хартиените корпички. Се редат во калап за мафини
Се печи 10 минути на 180 степени.
Потоа во тенџере на оган се става 300 мл млеко, 3 лажици шеќер, 3 лажици густин и 3 жолчки и се вари до згуснување. Се додава 70 гр изматен маргарин.
За кафениот крем во тенџере на оган се става сокот од вишни, 3 лажици шеќер и еден пудинг. Се вари до згуснување. Додека е млако се додава 100 гр чоколадо и 70 гр изматен маргарин.
Се вадат корпичките од калапот и се редат на послужавник.
Прво се украсуваат со жолтиот крем, па со црниот крем, повторно со жолт и на крај се става по една вишна и по малку сецкан лешник.