Чоколадна торта со ресани
Состојки
- Пандишпан
- 8 белки
- 3 жолчки
- 150гр. шеќер
- 5 лажици брашно
- 1 лажица какао
- 4 лажици мелени ореви
- 1/2 пециво
- Фил
- 100гр. какао
- 300гр. шеќер
- 200мл. вода
- 1 маргарин
- 200гр. шеќер во прав
- 5 жолчки
- Други состојки
- 2 пакетчиња ресани
- 50гр. црно чоколадо
- За попрскување на корите
- по потреба млако млеко
Подготовка
Најпрвин подгответе го пандишпанот
Во сад за матење ставете ги белките и шеќерот. Матете додека се добие цврста смеса, а потоа додавајте ги жолчките(една по една).
Откако убаво ќе изматите додајте го брашното измешано со пецивото, какаото и мелените ореви.
Со лажица убаво соединете ја смесата.
Истурете ја смесата во правоаголен плех обложен со хартија и печете на 180 степени.
Откако ке се испече оставете го пандишпанот да се олади,а потоа отстранете ја хартијата и пресечете го на 2 дела во должина.
ФИЛ
Во сад на оган ставете го шеќерот, водата и какаото. Оставете да врие 10 минути, потоа тргнете го садот од оган и оставете да се олади.
Во сад за матење ставете го маргаринот и шеќерот во прав.
Откако пенесто ќе се измати, постепено додавајте ги жолчките и матете континуирано.
Откако убаво ќе изматите соединете ја оваа смеса со претходната(оладена).
Во сад за торта ставете една кора, попрскајте ја со млако млеко и ставете од филот.
Одозгора наредете ресани и пак врз нив ставете од филот. Ставете ја втората кора и целата торта премачкајте ја со преостанатиот фил.
Врз тортата нарендајте чоколадо и оставете ја во фрижидер да се стегне.