Еврејска торта
Состојки
- Пандишпан
- 10 белки
- 10 лажици шеќер
- 3 лажици брашно
- 200 гр потпечени мелени лешници
- 1(10гр) прашак за пециво
- Фил
- 10 жолчки
- 10 лажици шеќер
- 250 гр путер на собна температура
- 100 гр шеќер во прав
- 200 гр нестле бела чоколада
- За украсување
- 150 мл слатка павлака
- по потреба украсни трошки
Подготовка
Подготовка на пандишпанот
Белките се бијат со шеќерот додека се направи снег. Потоа се додаваат брашното, лешниците, пецивото и се мешаат со голема лажица да се изедначат.
Смесата се става во намачкан со путер и набрашнет плех, се рамни и се пече во заграна рерна на 180 степени околу 15 - 20 мин.
Подготовка на филот
Жолчките малку се бијат со 10 лажици шеќер и потоа се варат на пареа додека се згустат. Се оставаат да оладат.
Чоколадата се топи на пареа и се остава малку да подолади.
Путерот се бие со шеќерот во прав и се додават жолчките и чоколадата. Се бијат сите заедно убаво да се изедначат. Ако мислите дека филот е премногу мек пред да е филовате тортата ставете го малку во фрижидер да се стегне.
Печениот пандишпан се сече на три ленти и се филова со филот.
Одозгора и по страните украсете ја со изматена слатка павлака и украсни трошки.
Тортата се остава во фрижидер неколку сати да се стегне, потоа се служи.