Англиски чаен колач со ѓумбир и брусница
Состојки
- 100гр. кандиран ѓумбир
- 100гр. сува брусница
- 3 лажици рум + 1 лажица брашно
- 250гр. путер или маргарин на собна температура
- 220гр. шеќер
- прстофат сол
- 5 јајца
- 350гр. брашно
- 2 лажички прашок за печиво
- по потреба шеќер во прав
Подготовка
Вклучете ја рерната на 180° да се загрева.
Ѓумбирот исецкајте го во коцкички со големина од 5мм. а брусницата исечкајте ја крупно. Ставете ги во еден сад и измешајте ги со румот. Оставете на страна.
Во еден длабок сад изматете го путерот или маргаринот пенасто заедно со шеќерот и солта. Додавајте ги јајцата едно по едно и матете за да добиете убава кремаста смеса. На трипати додадете го и брашното, убаво изматете. Ќе добиете доста густа кремаста смеса. Исклучете го миксерот.
Во садот со ѓумбир и брусница додадете 1 лажица брашно и промешајте. Додадете ги во смесата од путер и јајца и промешајте со кујнска шпатула. Ставете ја смесата во намастен долгнавест калап (30цм) и ставете да се пече 70 минути. Кога површината на колачот ќе потемне покријте со фолија за да не изгори и продолжете го печењето. После 50-60 мин. печење направете проба со дрвена чепкалка дали е печено.
Кога е готов, оставете го колачот 5мин. да отстои во калапот, па потоа извадете го од него. Кога ќе се олади, посипете го обилно со шеќер во прав.