Салата со прокулици
Состојки
- 1/2 кг прокулици
- 100 гр моркови
- 1 парче праз
- 10 зелени маслинки
- Суви домати по желба
- киселина (може и балзамико)
Подготовка
Прокулиците исчистете ги и измиете ги и заедно со морковите кои сте ги исечкале на ленти обарете ги 5 минути на пареа. Ставете ги во садот во кој ќе ја служите салатата и додајте го празот исечкан на тенки крукчиња, сувите домати (моите беа веќе саламурени во маслиново масло) и маслинките исечкани на парчиња. Зачинете со масло, сол и киселина, промешајте убаво и оставете ја салата барем половина сат да постои пред да ја служите.