Тортиљи со пилешко и зеленчук
Состојки
- За тортиљите
- 500 гр брашно
- 300 мл млака вода
- 20 гр свеж квасец
- 1 лажичка сол
- 1/2 лажичка шеќер
- 25 мл масло
- Месо и маринада
- 500 гр пилешки стек
- 4 лажици соја сос
- 3 лажици масло
- 1 лажичка вегета
- 1 лажичка сол
- 1/2 лажичка бибер
- 1/2 китка ситно сецкан магдонос
- Зеленчук за сосот
- 2 главици кромид
- 3 моркови
- 2 пиперки (1 црвена+1 зелена)
- 1 домат
- 150 гр пченка (конзервирана или смрзната)
- малку масло
- И уште
- 1/2 марула
- 100 гр кашкавал
Подготовка
Тортиљи
Од сите состојки земесете помеко тесто и ставете го на топло место да стаса. Кога ќе го зголеми дупло својот волумен премесете го и поделете го на 8-12 топчиња. Јас правев 12, беа помали, но такви ми одговараа во моментот. Секое топче расукајте го во круг со дебелина околу 3мм. Тортиљите се пржат на умерено јака темперетура, на суво тавче. Пржењето трае многу кратко, внимавајте да не ги изгорите. Испржените тортиљи редете ги една врз друга и покривајте ги со кеса.
Сос
Месото исечете го на мали коцки, околу 7-8мм, и во еден сад измешајте го сите состојки за маринадата. Оставете го околу 30 минути.
Кромидот исечете го на полумесечинки, морковите на многу тенки крукчиња, пиперките на тенки ленти, доматот на коцкички. Во тава, идеално би било да е вок тава, на малку загреано масло ставете ги прво кромидот и морковите да се потпржат. Потоа додате ги пиперките, па месото заедно со маринадата и кога ќе се испржи ставете ја пченката па на крај доматот. Пржете додека не испари течноста.
Марулата исечете ја на тенки парчиња, а кашкавалот изрендајте го на крупно ренде.
На секоја тортиља ставете прво од сосот, па кашкавал и на крај марула и свиткајте ги како ролат. Прицврстете со чепкалки за да не отвараат и послужете ги топли.
Пријатен апетит!
Ако сте љубители на луто, ставете лути пиперки.