Видео рецепт: Роденденска торта

Време е за славење, а со оваа торта можеме да славиме со стил – богата сочна торта од темно пиво и кафе, прелиена со чоколаден крем со малку шампањ. Како ви звучи?

Подготовка

Чекор 1: Започнуваме со топење на путерот заедно со темното пиво и кафето. Можете да се обидете и со инстант кафе, но, за подобар вкус, ние ви препорачуваме еспресо.

Чекор 2: Загрејте ја рерната на 160 степени и во длабок сад измешајте ги сувите состојки - брашното, шеќерот, прашокот за печиво и солта.

Во друг сад со миксер изматете ги јајцата, ванилата и павлаката и потоа се измешајте со смесата од кафе и пиво и онаа од суви состојки, додека да добиете хомогена смеса.

На крај мешајќи додадете го и какаото и ќе забележите како се создава чоколаден сјај низ целата смеса.

Чекор 3: Двете округли Делимано силиконски тави ги премачкуваме со масло и потоа ги полниме до околу 70% од нивниот капацитет. Ги печеме 30 минути или додека пандишпанот не се испече убаво и не почне да се одвојува од страните.

Чекор 4: За подготовка на преливот, павлаката ја загреваме и потоа ги додаваме парчињата чоколадо и малку шампањ. Мешаме додека да добиеме рамномерна смеса и потоа матиме со миксер, за во преливот да влезе малку воздух пред да го ставиме во фрижидер најмалку 1 час да се згусне. Потоа можете да го ставите врз тортата.

Чекор 5: Извадете ги пандишпаните од рерна и оставете ги да се оладат за преливот да не се стопи кога ќе го нанесувате. Оној пандишпан кој е порамен ставете го одоздола, врз него нанесете од филот па потоа преклопете со вториот пандишпан. На крај целата торта убаво премачкајте ја со преливот одозгора и од страните. Не брзајте, ова е клучно за убавиот изглед на вашата торта.

Чекор 6: На крај за декорација, земете многу остар нож и со него поминете врз ладното темно чоколадо за да направите тенки ленти.

СОВЕТ: Оваа торта има многу специфичен вкус, но е многу богата и вреди да ја подготвите за некоја специјална пригода – бројот на состојки е поголем, па затоа внимавајте да не пропуштите некоја!