Баклава со афион
Состојки
- 500 гр. тенки кори за баклава
- За фил
- 3 јајца
- 2 чаши (200 мл.) шеќер
- 1 чаша масло
- 1 чаша млеко
- 250 гр. афион
- 1 ванилин шеќер
- 1 прашок за пециво
- За шербет
- 4,5 чаши шеќер
- 3 чаши вода
- 1 ванилин шеќер
Подготовка
Имам пробано многу баклави, ама оваа се топи во уста и не можеш да застанеш на едно парче - затоа внимавајте...опасно по линија!
Па да започнеме - се мешаат сите состојки за филот во длабок сад.
Во подмачкан правоаголен плех се става една кора и се попрскува со масло. Врз неа се реди втора кора и таа се прска со масло и така по ред се ставаат вкупно 5 кори. Настрана за на крај, се тргаат уште 5 кори.
6-тата кора се прска со филот и така се продолжува додека не се потрошат сите кори и филот. Потоа се доредуваат 5-те кори кои ги тргнавме настрана кои при тоа се прскаат со масло и минерална вода.
Баклавата се сече и се става да се пече најпрво на 250 степени додека зе зацрви, а потоа температурата се намалува на 100 степени, за да се досуши филот. Печењето трае околу 1,5 часа.
При крај на печењето, се подготвува шербетот - се мешаат сите состојки и се остава кратко да поврие.
Баклавата малку оладена, се прелива со малку оладениот шербет.
Пробајте. Јас не смеам повторно да ја направам - ха,ха,ха...