Видео рецепт: Тортички со тиква и крем сирење
Состојки
- За ПОДЛОГА ќе ви треба:
- 50 грама бисквити
- 1/2 лажица кафеав шеќер
- 30 грама стопен путер
- 1/4 лажичка цимет
- 1/4 лажичка морско оревче
- За ФИЛ ќе ви треба:
- 180 грама исчистена тиква
- 100 мл. вода
- 60 грама шеќер
- 85 грама свежо крем сирење
- 1 јајце
- За ПРЕЛИВ ќе ви треба:
- 1 лажичка густин
- 1/2 лажичка цимет
Денес ќе готвиме заедно со Алекса, готвач член на нашата веб-страница. Алекса ќе подготви еден од нејзините најпопуларни рецепти, Тортички со тиква и крем сирење.
Еден вид Чизкејк тортички, каде што во филот од крем сирење додаваме и тиква. На крајот, ги преливаме со крем од цимет, кој ќе го заокружи изгледот, но и вкусот!
Подготовка
Чекор 1: Најпрво ги мелеме бисквитите за подлогата.
Измешајте ги бисквитите со шеќерот, стопениот путер и зачините и промешајте да добиете рамномерна смеса. Ставајте по 1-2 лажици од смесата во калапите за мафини и притиснете за да се спои и израмни смесата.
Чекор 2: Тиквата исечкајте ја на коцки и ставете ја во Садот за сос заедно со 100 милилитри водата и 60 грама шеќер да се вари 15 минути, или додека не омекне. Потоа извадете ги коцките тиква, а течноста оставете ја во садот, ќе ни треба за подоцна. Половина од сварената тиква изблендирајте ја во мазно пире, а остатокот оставете го во коцкички за декорација.
Чекор 3: Откако малку ќе се излади пирето од тиква, изматете го со крем сирењето, па додадете ги јајцата. Распоредете го филот врз подлогата од бисквити и печете 30 минути во загреана рерна на 160 степени.
Чекор 4: Течноста каде што се вареше тиквата загрејте ја ако се оладила, ставете ги циметот, како и густинот разматен во малку вода, и варете кратко додека добие густина на крем.
Чекор 5: Испечените тортички прелијте ги со 1 лажица од кремот, а најгоре ставете неколку коцки сварена тиква.
СОВЕТ: Од оваа количина на состојки ние направивме 6 тортички. Но, вие направете барем двојно повеќе, бидејќи се толку вкусни, што веднаш ќе ги снема!
