Скриени кокосови солзи
Состојки
- 8 јајца
- 16 лажици шеќер
- 8 лажици мелени кикирики
- 8 лажици мелени ореви
- 4 лажици брашно
- 1 пециво
- фил
- 400мл млеко
- 50гр какао
- 200гр чоколада за готвење
- 250гр шеќер
- 1 пудинг од чоколада
- 250гр маргарин
- 150гр шеќер во прав
- кокосови топчиња
- 150гр кокос
- 1 кесичка шлаг пена
- 1 финџал мал млеко
- 3 лажици шеќер
Подготовка
8 белки се матат во цврст снег.
8 жолчки се матат со шеќерот, па им се додаваат оревите, кикириките, пецивото и на крај снег од белките. Смесата убаво се меша со лажица и се сипе во калап за торта па се пече околу 20 минути на 180.
Одкако ќе се испече се сече на половина и се добиваат две кори.
фил
Млекото се става да врие со шеќерот и какаото. Кон зовриеното млеко се додава разматениот пудинг и на крај се додаваат и двете чоколади. Филот убаво се меша и се остава да се олади.
Кон оладениот фил се додава пенасто изматениот маргарин со шеќерот во прав, убаво се изедначува.
Кокосови солзи
Се мати шлагот со еден мал финџал вода и 3 лажици шеќер. Кон изматениот шлаг се додава кокосот и се замесува смеса од која се прават мали бомбички.
На чинија за торта се става едната кора и малку се попрскува со шербет. Се премачкува со фил и над првата кора и филот се редат и бомбичките, па се покриваат со фил пред да се стави втората кора, се реди и втората кора. Се премачкува со фил и со истиот фил се довршува декорацијата.
За декорација може да се искористат ореви, кикирики и др чоколадни додатоци.
.