Видео рецепт: Кора со ореви - Ореварник

Денес ќе готвиме заедно со Надица, готвач член на нашата веб-страница. Надица ќе подготви еден од нејзините најпопуларни рецепти, Кора со ореви - Ореварник.

Ореварник, или кори редени со солен фил со ореви. Овој рецепт се подготвува традиционално за Бадник во некои краеви од Македонија.

Состојки

За ТЕСТО ќе ви треба:

• 1/2 кг. брашно
• 1/4 пакување квасец
• 1 лажичка сол

За ФИЛ ќе ви треба:

• 100 грама ореви
• 200 грама врела вода
• 120 мл. масло
• 1 лажица сол

Ќе ви треба и:

• 50 грама масло за попрскување

За подготовка на овој рецепт користиме Делимано Тава за палачинки, Сад за сос и Делимано Фантазија Округла тава.

Подготовка

Чекор 1: Од брашното, квасецот и солта замесете тесто во кое ќе додавате вода по потреба, или околу 200-250 милилитри. Кога ќе биде рамномерно измесено, поделете го на еднакви топчиња од кои ќе правите кори. Веднаш започнете со сукање на корите и една по една печете ги во тавата за палачинки.

Печените кори ги редиме една врз друга на платнена крпа, со која ги покриваме додека печеме.

Чекор 2: Откако ќе ги испечете корите, започнете со подготовка на филот. Најпрво зовријте ја водата и додајте ги маслото и солта.

Исечкајте ги оревите, и попарете ги со претходно зовриените вода и масло.

Чекор 3: Време е да го редиме Ореварникот за печење. Ставете една кора во тавата, па попрскајте ја со фил. Повторете ја постапката со сите кори и целиот фил. На последната кора не се става фил.

Засечете го на осминки и печете го во загреана рерна на 150 степени околу 20 минути, додека не зарумени.

Чекор 4: Го сервираме на дрвена подлога, како предјадење.

СОВЕТ: Корите може да ги подготвите и претходниот ден. Откако ќе ги испечете, оставете ги да се изладат во крпата, па потоа завиткајте ги во пластична фолија и чувајте ги во фрижидер.