Ќофтенца со домати и кашкавал
Состојки
- За ќофтенцата
- 500 гр мешано мелено месо
- 4 лажици презла
- 1 среден кромид, ситно исецкан
- 1 чешне лук, многу ситно исецкано
- 1/2 шоља рендан пармезан
- 2 лажици ситно сецкан магдонос
- 1 јајце
- 1/4 лажичка сол
- 1/4 лажичка мелен бибер
- За премачкување
- 1/2 мала конзерва сецкани домати
- 1 лажица маслиново масло
- и уште
- парченца кашкавал
Подготовка
За ќофтенцата убаво измешајте ги сите состојки. Смесата оставете ја да отстои околу половина час за да се спојат сите вкусови. Потоа правете мали ќофтенца и редете ги во тава за печење обложена со хартија.
Доматите малку изгмечете ги со вилушка, измешајте ги со маслиновото масло и ставете по малку врз секое ќофтенце.
Ќофтенцата ставете ги да се печат во загреана рерна на 200 степени, околу 20 минути. Потоа извадете ги и врз секое ќофте ставете мало парче кашкавал. Вратете во рерна уште само неколку минути да се растопи кашкавалот.
Послужете ги топли со прилог по ваша желба.