Полнети пилешки копани со фстаци
Состојки
- 4 пилешки копани
- 200-300 гр. мелено месо
- 1 лажица сецкан магданос
- околу 20 на број фстаци сецкани или толчени
- 1/2 лажичка затар
- 1 ликерска чаша вињак
- на вкус сол и мелен бибер
- 1 поголем кромид
- 2 моркова
- 4 парчиња тенко исечена чадена сланина
- 1 лажица путер или маргарин (зејтин)
- 1/8 л. црно вино
- 1/8 л. вода
Подготовка
Друг коментар за рецептот немам освен тоа што ќе кажам дека е баш она - добар неделен ручек.
- Искостете ги пилешките копани внимавајки да не ја оштетите кожата.
- Меленото месо измешајте го со истолчените ф'стаци, зачинките, 1/2 од чашата вињак.
- На искостените копани од двата краја кај отворите ставете по едно парче од сланината, врз неа ставете од меленото месо, со чепкалка или конец добро затворете ги, осолете и посипете со црн бибер.
- Во тавата за пржење растопете го путерт или ставете зејтин, нека се загрее и ставете ги копаните да се пржат од сите страни. Додадете ги исецканите кромид и моркови, нека се пржат кратко време.
- Додајте го остатокот од вињакот, дозволете да се тој запали и нека угасне, значи го фламбирате. Откако вињакот угаснал, додадете ги виното и водата.
- Префрлете во друг сад, нека продолжи да се допржува во рерна која е загреана на 200 степени околу 20 мин.
- Исцедете го сосот кој останува заедно со морковот и кромидот, испасирајте го, вратете го во касерола и нека се вари додека се згусти.
Сервирајте и нека ви е на здравје!
Совет
- Сосот доколку е реток - можете да го згустите додавајки малку густин и нека се довари.
- Затар е мешавина на зачинки кои даваат свој приднос на вкусот, јас го имам готов купен и го користам во меленото месо, особено дава добар вкус во полнежот на мисирките за Денот на благодарноста сигурно кај секој Американец бил присутен мирисот на овој зачин.