Испечати

Погачици со кори

Погачици со кори

Состојки

  • 500 гр кори
  • 200 мл млако млеко
  • 200 мл зејтин
  • 1 квасец
  • 5 лажици брашно
  • 1 лажичка сол
  • 1 лажичка шеќер
  • 1 јајце
  • 300 гр урда

Подготовка

Овие погачици или питички со кори, се најмеките, најсунгерести, од сите рецепти со кори кои досега сум ги правела. Дома многу ги бендисуваат, а знаете... имам полна куќа критичари!

Млакото млеко, шеќерот, солта, квасецот и маслото се мешаат со лажица и смесата се остава 15 минути да стаса. Со оваа смеса се премачкуваат корите. По три кори, на последната се реди филот (урда во која сме додале една белка). Се виткаат во ролат. Се ставаат во намрсено или во тавче што не лепи. Се мачкаат со жолчка, па се посипуваат со сусам. Се сечат на колкава должина сакаме да бидат. Се печат на 200 степени. Откако ќе се испечат се покриваат со крпа.

Забелешка
Одберете квалитетни кори за пита...баклава (нели има и машински правени... шушкави...)
На последната кора ставив и виршли...вкусни беа.
Можете да ставите и спанаќ, измиен, изгмечен со сирење или сирење со салама, да ставите ким врз нив....и што па пишувам јас...си знаете Вие!!!