Омлет од кромид и црвени пиперки
Состојки
- 5 јајца
- 2 големи главици кромид
- 1 црвена пиперка(бабура)
- 1/2 тиквичка
- 10 свежи шампињони
- 2 чешниња лук
- 30мл. неутрална павлака за готвење
- 2-3 лажици пармезан
- 1 лажичка мајоран
- по потреба сол, црн бибер, масло
Подготовка
Исецкајте го зеленчукот- кромидот и тиквицата на тенки кругови, пиперката на тенки стапчиња и печурките на листови.
Ставете ги во тава, додајте масло, посолете, додајте го и сецканото лукче и оставете да се пржи на тивок оган.
Во длабок сад изматете ги јајцата со павлакта за готвење, пармезанот и мајоранот.
Посолете и наросете малку црн бибер, а потоа додајте ги во тавата со испржениот зеленчук.
Откако ќе се испржи од едната страна поклопете ја тавата со поголема чинија и превртете ја.
Потоа вратете го омлетот во тавата за да се испржи и од другата страна.
Послужете го топол со свежа салата.