Лазања на мој начин
Состојки
- 600гр. мелено телешко месо
- 500гр. доматно пире
- 5 големи пресни кори за лазања
- 500гр. сос бешамел
- 3 главици сецкан кромид
- 3 моркови
- 100гр. пармезан
- пола лажичка мелен лук
- по потреба сол и црн пипер
- пола лажичка мелен црвен лут пипер
Подготовка
Кромидот, морковите и месото ги ставаме во тава за пржење. Пржиме додека кромидот и морковите не омекнат, а месото додека не порумени. Потоа во тавата го додаваме доматното пире, мелениот лук, посолуваме и наросуваме со мелен црн пипер. Оставаме да покрчка на оган уште околу 10 на минути, потоа тавата ја тргаме од оган.
Лазањата во намастен огноотпорен сад ја редиме во следниот редослед
најпрво корите за лазања, па врз кората расподелуваме неколку лажици од смесата со месо, па неколку лажижици од сос бешамелот, наросуваме од ренданиот пармезан и повторно ставаме одозгора друга кора и се така додека не завршат корите. Кога ќе се стави последната кора повторно нанесете по истиот редослед само на крај убаво наросете од пармезанот.
Лазањата печете ја 45 минути на 180 степени .
Добар апетит.