Видео рецепт: Полнети пити со летен фил од готови кори

Овие едноставни, летни пити за пикник се навистина популарни низ целиот свет, и затоа што сите сакаат пита, но и бидејќи се многу лесни за подготовка, а имате и можност да го менувате филот! Со овој рецепт ќе подготвите 7 – 8 пити.

Состојки

• ¼ пакување (130 грама) кори
• Една рака свеж грашок
• ½ тиквичка
• 6 супени лажици рикота сирење или урда
• Една рака свежо нане
• 50 грама путер

Ќе ви треба и:

• Сол, бибер и маслиново масло

За подготовка на овој рецепт користиме Делимано Тава за пржење и Сет тави за пица.

Подготовка

Чекор 1: Време е за сечкање – тиквичката исечкајте ја на коцки. Исечкајте го и свежото нане. Коцките тиквичка и грашокот ставете ги да се пропржат во маслиново масло. Додадете сол и бибер. Доколку сакате, убаво би било да додадете и малку ситно сечкан лук.

Чекор 2: Откако се убаво ќе омекне, додадете го нането и рикота сирењето и убаво промешајте.

Чекор 3: За да ги подготвите корите исечете ги на 4 големи квадрати и ставете ги помеѓу мокри крпи додека го подготвувате филот за да не се исушат.

Чекор 4: Земете две парчиња кори и едното премачкајте го со путер. Одозгора ставете го второто парче и врз него ставете малку од филот. Краевите намачкајте ги со путер и потоа подигнете ги нагоре и спојте ги врвовите со рацете. На врвот додадете уште малку путер.

Чекор 5: Печете 20 минути на 160 степени додека питите не поруменат и подготвени сте да ги послужите!

СОВЕТ: Овие едноставни пити се идеални за брз ручек, но можете да ги подготвите и претходната ноќ и да ги понесете со вас на излет – уживајте во комбинација со кисели краставички и чаша бело вино, под дебела сенка од дрво во топлите летни денови.