Каша со пилешки крилца
Состојки
- 4 пилешки крилца
- 1 и 1/2 литар вода
- 100 гр зејтин
- 5 лажици супени брашно
- 1-2 лажици мешан зачин
- 2-3 гранчиња магдонос
- 1 чешне лук
Подготовка
Во длабок сад ги ставаме пилешките крилца и ги покриваме со вода. Додаваме сол и оставаме да се сварат.
Кога крилцата се варени ги тргаме од огнот и на загреана плотна ја ставаме тава со масло.
Кога маслото е загреано, го додаваме брашното да се пржи и да порумени.
Кога е така подготвено, полека додаваме вода и мешаме да не се згрутчи.
(Јас ја додадов водата во која се вареа крилцата )
Зачинуваме.
Оставаме да повари околу 10 минути .
Додаваме лукче сецкано.
Наросуваме бибер и сецкан магдонос.
Кашата е спремна за јадење.
На здравје