Испечати

Колач `Далматинец`

Колач `Далматинец`

Состојки

  • Бело тесто*
  • 6 белки
  • 6 лажици шеќер
  • 6 лажици брашно
  • 1 лажица масло
  • 1/2 пециво
  • Темно тесто*
  • 6 жолчки
  • 6 лажици шеќер
  • 6 лажици брашно
  • 5 лажици млеко
  • 2 лажици какао
  • 1 лажица масло
  • 1/2 пециво
  • Прелив*
  • 300 мл. млеко
  • 3 лажици шеќер
  • Крем*
  • 1 л. млеко
  • 3 пудинга од чоколадо
  • 10 лажици шеќер
  • 200 гр. маргарин
  • За украс*
  • 500 мл. слатка павлака или 3 кесички шлаг пена
  • 70 гр. стопено чоколадо

Подготовка

За белото тесто*
Белките се матат заедно со шеќерот, потоа се додава лажица масло и брашното помешано со пецивото. Добиената смеса се става со лажица во облик на топчиња во подмачкана и со брашно посипана тава на помали растојанија.

За темното тесто*
Се матат жолчките заедно со шеќерот, се додава млекото, маслото, а потоа брашното помешано со какаото и пецивото.
Темната смеса полека се става помеѓу белите топчиња.Не треба да се рамни, затоа што и двете смеси ќе се измешаат. Се остава така.
Се пече во загреана рерна на 200 Ц.
Печеното тесто се остава да се излади и се прелива со жешкиот прелив направен од млекото и шеќерот.

За кремот*
Трите пудинга се варат во млекото заедно со шеќерот. Во жешкиот пудинг одма се става маргаринот и се заедно се миксира и се остава кремот да се излади па се премачкува тестото.
Врз кремот се става разматената слатка павлака и на крајот се украсува со растопено чоколадо.