Ориз со тиквичка и модар патлиџан
Состојки
- 1 помала тиквичка
- 1 мал модар патлиџан
- 1 блага пиперка
- 1 главица кромид
- 1 чаша ориз (или во зависност колку сте во семејството)
- по вкус сол, бибиер, мешан зачин и свеж магдонос
- соодветно количество вода
Подготовка
Брзо и лесно јадење, погодно за топлото време.
1. Тиквичката и модриот патлиџан исечете ги на коцкички и во тава на оган со малку зејтин пропржете ги посебно па тргнете на страна.
2. Кромидост исецкајте го ситно и ставете го во тавата за пржење. Кога ќе се застакли додадете ја пиперката ситно исецкана, промешајте и оставете малку да се пропржи.
3. Потоа додадете го оризот и мешајте почесто за да не се залепи. На крај додадете ги парчињата тиквичка и модар патлиџан, ситно сецканиот магдонос и зачинете по вкус. Промешајте да се изедначи и префрлете во тава за печење. Додадете соодветно количество вода (во зависност колку ориз сте ставиле) и ставете во претходно загреана рерна.
Извадете, оставете малку да се излади, направете си убава салата и ручекот е готов.
Добар апетит.
Рецептот може да се подготви и во Гурмет 8 во 1 пекачот.