Чоколадни сендвич колачи
Состојки
- 4 јајца
- 4 филџани (130мл) шеќер
- 8 филџани брашно
- 4 филџани масло
- 1 пециво
- Фил
- 100гр млечно чоколадо
- 2 лажици еурокрем
- 2 лажици мелени лешници
- За прелевање
- 150гр. чоколадо за готвење
- 2 лажици масло
Подготовка
Во сад за матење пенесто изматете ги јајцата и шеќерот.
Додајте го маслото и матете уште малку.
Потоа додајте го брашното измешано со пецивото.
Измешајте убаво со дрвена лажица или со жица.
Од добиената смеса на хартија за печење со лажичка нанесете топчиња.
Печете ги на 180 степени додека поруменат.
Во меѓувреме подгответе го филот
Во сад на оган ставете го чоколадото и еурокремот да се растопат.
Откако ке се растопат тргнете го од оган и додајте ги мелените лешници.
Убаво промешајте.
Земете од испечените колачиња и премачкајте ги со филот.
Одозгора поклопете со уште едно колаче.
Секоја половинка од оформените сендвич колачиња премачкајте ја со растопена чоколада за готвење.