Видео рецепт: Теријаки пилешки крилца

Денес ќе готвиме заедно со Лилин, готвач член на нашата веб-страница. Лилин ќе подготви еден од нејзините рецепти, Теријаки пилешки крилца.

Пилешки крилца, печени во леплив сос од соја, мед, ѓумбир и лук. Овој рецепт ветува егзотично доживување!

Состојки

• 1 килограм пилешки крилца

За МАРИНАДА ќе ви треба:

• 1 шолја сос од соја
• 1 шолја вода
• 1/2 шолја мед
• 1/2 шолја кафеав шеќер
• 1/4 шолја јаболков оцет
• 1/4 шолја масло
• 4-5 чешниња згмечен лук
• 1 лажичка ѓумбир во прав или рендан

Вид на оброк: Ручек
Комплексност: Средно
Лица: 4
Време на подготовка: 1-2 часа

Мерете со шолја од 250 милилитри.

За подготовка на овој рецепт користиме Делимано Сет тави за пица и Сад за сос.

Подготовка

Чекор 1: Најпрво добро измешајте ги сите состојки за маринадата. На крилцата отстранете им ги врвовите, пресечете ги на половина, и добро измешајте ги во маринадата. Оставете ги во фрижидер најмалку 1 час, но не подолго од 2 часа, бидејќи ќе потемнат од маринадата.

Чекор 2: Маринираните крилца наредете ги во тавата со кожата надолу, покријте ги со алуминиумска фолија и печете ги во загреана рерна на 175С, 30 минути. Во меѓувреме провријте ја маринадата за да се згусти, до густина слична како мед.

Чекор 3: По 30 минути, извадете ја фолијата, премачкајте ги крилцата со густата маринада и ставете ги да се печат уште четириесетина минути. Премачкајте ги со густата маринада уште 2 пати на секои 10 до 15 минути. Кога ќе бидат готови треба да се карамелизирани, лепливи и неодоливо вкусни!

Чекор 4: Сервирајте ги со луто пиперче, за оние кои сакаат уште попикантен вкус. Уживајте!

СОВЕТ: Овој рецепт бара малку повеќе време, како за рецепт за подготовка на пилешки крилца, но вкусот со кој ќе бидете наградени на крајот вреди многу повеќе!