Брза пита со тиквички
Состојки
- 1 кг. исчистени тиквички
- 4 јајца
- 100 мл. масло
- 1 лажица кисела павлака
- 4 лажици брашно
- 1 прашок за пециво
- 250 гр. гриз
- 300 гр. издробено сирење
Подготовка
Откако го најдов овој рецепт на интернет, го правам веќе 3 пат - лесно се подготвува, а уште побрзо го “снемува“. Да ја искористиме сезоната на тиквички...
Тиквичките се рендаат, посолуваат и се оставаат да отстојат 10-15 мин. Повремено се притиснуваат и цедат од течноста.
Вклучете ја рерната на 180 степени и поченете со подготовка.
Јајцата се матат. Се додава маслото и павлаката.
Во сад настрана се меша гризот со брашното и прашокот за пециво и се додава на јајцата.
Се додава сирењето, семињата (по желба) и на крајот тиквичките (убаво исцедени).
Смесата се пече во плех од шпорет, на хартија за печење околу 30 минути.
Добар апетит!