Лења пита со месо
Состојки
- * За тесто
- 4 јајца
- 1 чаша јогурт
- 1 чаша масло
- 4 чаши брашно
- 1 прашок за пециво
- 1 лажиче сол
- * За фил
- 1 главица кромид
- 300 гр мелено месо
- сол, мешан зачин, оригано, црн бибер
- * За прелив
- 2 јајца
- 1 чаша кисела павлака
- 1 чаша = 120 мл , освен онаа за јогурт и кисела павлака која е 175 мл
Подготовка
Во тавче на малку масло запржете го ситно сецканиот кромид и меленото месо. Додадете ги зачините, посолете-промешајте и тргнете го од оган.
Потоа, убаво изматете ги јајцата, па постепено матејќи додавајте го јогуртот, па маслото. На крај додадете го брашното предходно измешано со пецивото и солта.
Смесата сипете ја во тава 20х30. Израмнете и врз неа распоредете го филот од мелено месо.
Настрана во помал сад изматете ги јајцата и киселата павлака. Посолете и прелијте ја питата.
Печете на 200 степени околу половина час (провизорно, сами отценете кога е печено).
Забелешка
Питата на слика од брзање, по грешка е правена со чаша од 140 мл за сите состојки, затоа изгледа повисока. Иако овде, во овој случај, оскудува количеството на јогурт, се покажа пред гостите како многу убава (сечена уште топла и таква сервирана) по состав-дури помислија дека е правена со пченкарно брашно (така на вкус изгледаше тестото), но дадоа една маана-да беше пониска. Потоа увидов на мерките дека сум згрешила. Останува на вас да се држите по наведените мерки, или ако се одлучите како мене да мерите се во иста доза да го направите тоа со најмалата мерка или пак да го зголемите количеството на филот и преливот и да печите во поголема тава.