Капучино визитарски колачи
Состојки
- 100 гр. млечно чоколадо
- 2-3 лажици слатка павлака
- 1 лажица маргарин, омекнат
- 50 гр. мелени бисквити
- 150 гр. ситно дробени ореви
- 1 кафена лажичка капучино
- Глазура
- 100 гр. чоколадо за готвење
- 2-3 лажици масло
- малку растопено бело чоколадо.
Подготовка
Во сад над пареа, растопете го чоколадото. Капучиното растворете го во малку зовриена вода. Доколку сакате, наместо капучино употребете нескафе. На тој начин ќе добиете колачи со поинтензивен вкус.
Измешајте ги состојките, убаво соединете и оформете по желба. Секогаш може да додадете мелени бисквити (за да добиете повеќе колачи). Само зголемете го количеството на маргарин и слатка павлака.
Оставете ги колачите еден час во фрижидер.
Над пареа растопете го чоколадото за готвење и додадете го маслото.
Чоколадирајте и декорирајте со бело чоколадо.
Доколку правите бомбици, наместо чоколадирани, може да ги посипете со покрупни парчиња рендано бело чоколадо.