Чоколадни „алва“ коцки со ореви
Состојки
- 400 гр шеќер
- 1 ваанилин шеќер
- 100 мл вода
- 2 лажици рендана кора од портокал
- 200 гр путер или маргарин
- 100 гр какао
- 100 гр млеко во прав
- 150 гр мелени бисквити
- 100 гр сецкани ореви
Подготовка
Шеќерот, ванилата, кората од портокал и водата ставете ги на умерен оган да зовријат. Варете додека се растопи шеќерот, па тргнете ги од оган и додадете го путерот. Мешајте додека се растопи.
Млекото во прав, какаото и плазма бисквитите измешајте ги настрана и постепено додавајте ги во смесата со енергично мешање. По потреба можи да употребите и миксер (јас работев рачно).
Додадете ги веднаш и сецканите ореви, убаво измешајте и смесата истурете ја во сад (28х18) обложен со најлон фолија или пек хартија.
Оставете добро да се излади и стегни, па сечете коцки со големина од некои 3 см и уживајте.