Отворени емпанади со буковки
Состојки
- 300 гр бело брашно
- 100 гр пченкарно брашно
- 100 мл масло
- 150-200мл вода
- 1 лачичка сода бикарбона
- малку сол
- За фил
- 500 гр свежи буковки
- 2 чешниња лук
- 5 лажици домашен ѓувеч (или од конзерва)
- 100 гр козјо сирење
- 1 лажичка оригано
- малку копар
- малку чили
- малку зачин
Подготовка
Од двата вида на брашно, солта и содата замесете тесто со постепено додавање на вода. На крај додадете го и маслото и месете додека не добиете компактно тесто. Завиткајте го во фолија и оставете го да одмори 30 минути.
За тоа време на ленти исечете ги буковките и испржете ги на масло, додадете го на ситно исечкано лукчето и додадете го ѓувечот. Додадете ги сите останати зачини и оставете да се динста околу 15 минути. Тестото поделете го на 8 топчиња и секое расукајте го. Формирајте од сите кругови кошнички. Секоја кошничка наполнете ја со подготвениот фил. Вака наполнетите кошнички од тесто ставете ги на хартија за печење и печете ги во загреана рерна околку на 220 степени од 25 до 30 минти. Послужете ги топли со малку дробено сирење. Добар апетит!