Салата од компири и краставица
Состојки
- 700 гр компири
- 1 краставица(160гр)
- 1 мала главица црвен кромид
- 10 маслинки
- 4 шери домати
- 70 гр фета сирење
- За прелив
- 6 лажици маслиново масло
- 3 лажици сок од лимон
- 3 лажици топла вода
- 1 лажиче мед
- 1 лажиче сенф
- 1 лажиче сол
- 2 чешнина лук
- по потреба оригано
- по потреба бибер
Подготовка
Компирите убаво измиете ги и ставете ги да се варат заедно со лукот во лушпата. Потоа исцедете ги од водата и оставете ги да оладат, а лукот оставете го на страна.
Во меѓувреме подгответе го преливот.
Во мало садче протиснете го лукот од лушпата и изгмечете го со вилушка. Потоа додадете ги и останатите зачини ( освен ориганото) и имешајте ги со вилушка да се добие хомогена смеса.
Компирите излупете ги и исечете ги на плочки, а краставицата со лушпа на кругчина.
Во поголема чинија наредете ги наизменично компирите и краставицата и над нив кромидот исечен на тенки кругови. Прелијте ги со преливот.
Одозгора наредете ги маслинките, доматите, сирењето, наросете ја со оригано и послужете ја.