Зачинети уштипци од зеленчук
Состојки
- 2 млади кромидчиња
- 1 тиквичка
- 1 компир
- 100гр. брашно
- 2 јајца
- 4 лажици вода
- 1 лажичка прашок за пециво
- 100гр. мешан кашкавал
- 1 лажичка кари во прав
- 1/2 лажичка куркума
- по потреба сол, црн бибер, масло
Подготовка
Во тава со загреано масло ставете го кромидчето да се пропржи.
Додајте ја тиквичката исечена на кратки тенки стапчиња и компирот исечен на поситни коцки.
Посолете, наросете црн бибер, додајте го карито и промешајте.
Пржете додека зеленчукот убаво омекне.
За тоа време во длабок сад изматете ги јајцата и постепено додајте го брашното.
Измешајте убаво и додајте ја водата, пецивото и куркумата.
Посолете и убаво измешајте ја смесата.
Испржениот зеленчук извадете го на кујнска хартија да се впие вишокот мрснотија, а потоа префрлете го во садот со изматената смеса.
Убаво измешајте и со лажица земајте од смесата и пржете на загреано масло.
На секој од испржените уштипци, додека се уште топли ставете рендан кашкавал.