Полнети динстани тиквички
Состојки
- 2 тиквички
- 250-300гр. мелено месо
- 1/2 главица кромид
- 1 морков
- 3 чешниња лук
- 100мл. доматен сос
- 1 лажица сецкан магдонос
- 50гр. чаден кашкавал
- 1 рака ориз
- по потреба маслиново масло, сол, мешан сув зачин, црн бибер
Подготовка
Во тава ставете маслиново масло и додајте ги сецканиот кромид, лук и ситно ренданиот морков. Кратко пропржете и додајте го месото. Пржете додека месото ја промени бојата и додајте го оризот и магдоносот.
Зачинете со мешан сув зачин, црн бибер, налејте малку топла вода и оставете на тивко да крчка. На крај додајте го доматниот сос и оставете ја тавата на оган уште 2-3 минути.
Тиквичките исечете ги на четвртинки и отстранете го внатрешниот дел.
Ставете ги во тава, посолете ги, попрскајте ги со по малку маслиново масло, и налејте малку вода. Затворете ја тавата со капак и динстајте додека тиквичките омекнат.
Секоја тиквичка наполнете ја со смесата и вратете ги во тавата. Врз секоја четвртинка тиквичка ставете парчиња чаден кашкавал.
Поклопете ја тавата со капак и на не многу јак оган оставете ја тавата сосема малку, колку да се подрастопи кашкавалот.
Послужете ги топли.