Лингвини со туна и шампињони
Состојки
- 250 гр паста лингвини или шпагети
- 200 гр шампињони
- 120 гр туна
- 250 мл сос од домати
- 2 чешнина лук
- 2-3 лажици сецкан магдонос
- 3-4 лажици маслиново масло
- по потреба сол и бибер
Подготовка
Печурките исечени на тенки листови ставете ги во тава со маслото, додајте го исецканиот лук, сол, бибер и оставете ги да се пржат додека течноста испари.
Додајте го доматниот сос, туната, магдоносот, пола чаша вода и оставете го да вари 5 мин.
Лингвините или шпагетите ставете ги да се варат во посолена зовриена вода околу 7-8 минути. Потоа додајте ги во сосот и измешајте ги.
Послужете ги одма додека се топли.