Леб со пиво,без квасец
Состојки
- 250 мл. пиво
- 250 мл. млака вода
- 1 јајце (немора)
- 1 лажица мед
- 1 мало лажиче сол
- 1 мало лажиче пециво
- 1 мало лажиче сода бикарбона
- 1 кг. (отприлика) брашно
Подготовка
Во сад ставете ги сувите состојки, не цело брашно. Измаешајте со лажица и ставете ги течните. Јајце не мора. Јас имав не искористено до пола, па го ставив. Почнете да месите, полека додавајте од брашното. Треба да се измеси средно тесто. На намрсен и побрашнет плех или калап ставете го лебот. Формирајте круг или векна леб. Лебот со ноже расечете (не до крај) линии.
Вклучете ја рерната да се загрее на 250 степени. Додека се загрева лебот ставете го на топло место да почне да стасува покриено со крпа. Кога рерната се загреала ставете го лепчето да се пече. Печете на 200 степени првите 40 мин. Потоа зголемете на 250.
Печете додека се добие кафенеста боја или пак ако сакате малку потпеченко може и малку повеќе. Извадете го од рерна и покријте го со најлонско кесе и крпа за да се задуши.
Лебот нема квасец а нараснува бидејќи има пиво,сода и пециво. Најдобро користете светло пиво. Со медот се неутрализира горкиот вкус на пивото. Инаку лебот е густ.