Потпечени макарони со праз и сирење
Состојки
- 300 гр макарони
- 350 гр праз
- 200 гр сирење(урда)
- 5 лажици масло
- по потреба сол
- За прелив
- 3 јајца
- 200 мл млеко
Подготовка
Празот исецкајте го и ставете го да се пржи неколку минути колку да омекне. Оставете го да олади.
Во зовриена посолена вода ставете ги макароните да се варат околу 10 минути, потоа исцедете ги.
Во празот додајте го сирењето, макароните, посолете по вкус и измешајте ги. Ставете ги во плехче намачкано со масло и прелијте ги со преливот од јајца и млеко изматени со вилушка.
Ставете ги да се печат во претходно загреана рерна на 200 степени 15-20 минути.
Послужете ги топли со јогурт.